ҚЎЛЛАШ БЎЙИЧА ЙЎРИҚНОМА

ЛИВСОН

LIVSON

Препаратнинг савдо номи: Ливсон

Таъсир этувчи моддалар (ХПН): Эссенциал фосфолипидлар.

Дори шакли: суспензия

Таркиби: ҳар 5 мл суспензия сақлайди:

Эссенциал фосфолипидлар 100 мг.

Сиропнинг таъм асоси етарли миқдорда

Сариқ квинолин бўёвчиси

Фармакотерапевтик гуруҳи: Гепатопротектор

АТХ Коди: A05C

Фармакологик хусусиятлари

Гепатопротектор таъсири препаратнинг таркибига кирувчи компонентларнинг хусусиятлари билан боғлиқ.

“Эссенциал фосфолипидлар” – фосфатид ва тўйинмаган ёғ кислоталарининг (асосан, олеин ва линолин) диглицеридли эфирларидан иборат мураккаб моддалардир. Хужайра мембраналари ва гепатоцитлар органеллаларининг мембраналарининг муҳим таркибий элементлари ҳисобланади. Фосфолипидлар мембраналарни ўтказувчанлиги, оксидланиш фосфорланишнинг нормал жараёнларини таъминлаб, мембраналар билан боғланган ферментларнинг фаоллигини бошқаради. Препарат гепатоцитларни турли этиологияли шикастланишида фосфолипидлар биосинтези ва умумий липидлар алмашинувини нормаллаштиради. Таркибий регенерация ва оксидланиш жараёнларини рақобатли ингибирлаш йўли билан гепатоцитларнинг мембранасини тиклайди: мембраналар липидлари ўрнига тўйинмаган ёғ кислоталари токсикоген таъсирларни ўзига қабул қилиш қобилиятига эга. Жигар хужайралари регенерациясига ёрдам беради, сафронинг физик-кимёвий хусусиятларини турғунлаштиради.

Қўлланилиши:

• турли этиологияли, шу жумладан қандли диабетдаги жигарни ёғли дегенерацияси;
• сурункали гепатитлар;
• жигар циррози;
• алкогол ва наркотик интоксикация (мажмуавий даволаш таркибида);
• заҳарланишлар (шу жумладан, доридан);
• гепатоцитлар фаолиятини бузилиши (бошқа касалликларда асорат сифатида);
• атроф муҳитда зарарли моддаларнинг йўл қўйиладиган миқдордан ортиб кетиши, радиацион фонни ошиши ва бошқа ноҳуш экологик омиллар билан боғлиқ гепатоцитларни шикастланиши;
• псориаз (мажмуавий даволаш таркибида) да қўлланади.

Қўллаш усули ва дозалари

Ичга, овқатланиш вақтида қабул қилинади.

Кичик ва ўрта ёшли болаларга 1 чой қошиқ (5 мл) дан кунига 2-3 марта ёки шифокор кўрсатмаси бўйича буюрилади. Даволаш давомийлиги касалликнинг тури, клиник кечиши ва беморнинг ёшига боғлиқ.

Ножўя таъсирлари

Препарат одатда яхши ўзлаштирилади.

Овқат-ҳазм қилиш тизими томонидан: кам ҳолларда қорин соҳасида дискомфорт ҳисси кузатилади.

Қўллаш мумкин бўлмаган ҳолатлар

Препаратга юқори сезувчанлик бўлганида қўллаш мумкин эмас.

Дориларнинг ўзаро таъсири

Препаратни бошқа дори воситалари билан ўзаро таъсири таърифланмаган.

Махсус кўрсатмалар

Препаратни болалар олаолмайдиган жойда сақлаш керак ва яроқлилик муддати ўтгач ишлатиш мумкин эмас.

Чиқарилиш шакли: Суспензия, 60 мл дан бутилкаларда.

Сақлаш шароити:

Қуруқ, салқин жойда, 15-25˚С ҳароратда сақлансин.

Яроқлилик муддати:

3 йил.

Дорихоналардан бериш тартиби:

Рецептсиз.

Хиндистонда ишлаб чиқарилган:

Avison Pharmaceutical Pvt. Ltd., India

Coral Laboratories Limited

Plot № . 27-28, Pharmacity, Selaqui,

Dehradun, Uttarakhand – 248197, India