QUPEN JUNIOR

ҚЎЛЛАШ БЎЙИЧА ЙЎРИҚНОМА

КЮПЕН ЮНИОР

QUPEN JUNIOR

Препаратнинг савдо номи: Кюпен Юниор

Таъсир этувчи моддалар (ХПН): Парацетамол ва Ибупрофен

Дори шакли: перорал суспензия

Таркиби

Ҳар 5 мл суспензия қуйидагиларни сақлайди:

фаол моддалар:

Ибупрофен БФ 100 мг;

Парацетамол БФ 162.5 мг;

Ароматланган асос q.s

Ёрдамчи моддалар:

Сувсиз коллоид кремний, аспартам, метилгидроксибензоат, пропилгидроксибензоат, апельсин таъмли суюқ эссенция, глицерол, натрий бензоати, натрий цитрати, суюқ сорбитол (кристалланган) сорбитол 70%, полиоксил 40 (гидрогенланган канакунжут мойи), ксантан камеди, sunset yellow supra ISI бўёвчиси, тозаланган сув.

Фармакотерапевтик гуруҳи: анальгетик-антипиретик

АТХ коди: N02DE51

Фармакодинамик хусусиятлари

Ибупрофен ва парацетамолни фармакологик таъсири уларни таъсир механизми қилиш ва жойи бўйича фарқланади.

Ўзаро тўлдирувчи таъсир механизмлари синергик хисобланади, бу хар бир компонентини алохида таъсирига нисбатан, кўпроқ антиноцицепция ва антипиретик самарага олиб келади.

Ибупрофен ностероид яллиғланишга қарши восита хисобланади, унинг таъсири циклооксигеназа-2 (СОХ-2) изоферментини периферик ингибиция қилиш ва кейинчалик ноцицептив нерв охирларининг сезувчанлигини пасайтириши билан боғлиқ. Ибупрофеннинг иситма тушурувчи самараси гипоталамусда простагландинлар синтезини марказий тормозланиши билан чақирилади. Ибупрофен тромбоцитлар агрегациясини қайта ингибиция қилади. Одамларда ибупрофен яллиғланишда кузатиладиган оғриқ, шиш ва иситмани камайтиради. Парацетамол циклооксигеназа ферментини МНТда самаралироқ ингибиция қилади. Парацетамолнинг иситма тушурувчи самараси бевосита гипоталамусдаги простагландинлар, хусусан, терморегуляция марказининг медиаторлари хисобланган, Е₂ ва Ғ₂ простагландинлар биосинтезини тормозланиши билан боғлиқ.

Фармакокинетикаси

Ибупрофен меъда-ичак йўлларидан яхши сўрилади ва плазма оқсиллари билан боғланади.

Ибупрофен синовиал суюқликка ўтади. Ибупрофен жигарда иккита асосий метаболитигача метаболизмга учрайди ва метаболитлар кўринишида, ёки асосий конъюгатлар кўринишида буйраклар орқали бирламчи чиқарилади, шунингдек ўзгармаган ибупрофен кўринишида аҳамиятсиз даражада чиқарилади. Буйраклар орқали чиқарилиши тез ва тўлиқдир. Ярим чиқарилиш даври тахминан 2 соатни ташкил этади.

Парацетамол меъда-ичак йўлларидан осон сўрилади. Парацетамол жигарда метаболизмга учрайди ва сийдик билан асосан глюкуронид ва сульфат конъюгатлари кўринишида, тахминан 10% глутатион конъюгатлари кўринишида чиқарилади. Парацетамолнинг 5% камроқ қисми ўзгармаган холда чиқарилади. Ярим чиқарилиш даври 3 соатни ташкил этади.

Қўлланилиши

Иситма, турли соҳаларда жойлашган оғриқлар, эмлашдан кейинги иситма, тиш оғриғи, инфекцион яллиғланиш ва суяк-мушаклардаги оғриқларни барча турлари, жумладан спортдаги жарохатларни енгиллатиш учун қўлланади.

Қўллаш усули ва дозалари

Ичга қабул қилинади.

Болаларга:

1 ёшгача болаларга 1 чой қошиқдан суткада 3-4 марта қабул қилинади.

1 ёшдан 5 ёшгача бўлган болаларга 2 чой қошиқдан суткада 3-4 марта қабул қилинади.

5 ёшдан ошган болаларга 4 чой қошиқдан суткада 3-4 марта қабул қилинади

ёки шифокорнинг кўрсатмаси бўйича қабул қилинади.

Суспензияни қабул қилишдан олдин флаконни яхшилаб чайқатинг.

Ножўя реакциялари

Ўта юқори сезувчанлик, меъда ва 12 бармоқ ичак яра касаллигини зўрайиш босқичи ёки меъда-ичак йўлларидан қон кетишлар, панкреатит, тери тошмалари, кўнгил айниши, қусиш, эпигастрал сохада дискомфорт, бош айланиши ва бошқа аллергик реакциялар бўлиши мумкин. Дори воситаси бекор қилингандан сўнг ножўя реакцияларнинг симптомлари (агар улар бўлса) камайиши керак. Агар симптомлари йўқолмаса, шифокорга мурожаат қилинг.

Қўллаш мумкин бўлмаган холатлар

Ушбу препаратни қуйидаги ҳолатларда қўллаш мумкин эмас:

• НЯҚВ, ибупрофен, парацетамол ёки препаратнинг ҳар қандай бошқа компонентларига маълум ўта юқори сезувчанлиги бўлган пациентларга.
• анамнезида ацетилсалицил кислотаси ёки бошқа ностероид яллиғланишга қарши препаратлар (НЯҚВ) ни қабул қилиш билан боғлиқ бўлган ўта юқори сезувчанлик реакциялари (масалан, бронхоспазм, ангиоэдема, астма, ринитлар ва эшакеми) бўлган пациентларга.
• анамнезида меъда-ичак яраси/перфорацияси ёки қон кетишлари бўлган, жумладан НЯҚВ қабул қилиш билан боғлиқ бўлган пациентларга;
• қон ивишини бузилишлари бўлган пациентларга.
• жиддий жигар, буйрак ёки юрак касалликлари бўлганпациентларга.
• ножўя реакцияларни ривожланиш хавфи юқори бўлганлиги туфайли, таркибида НЯҚВ сақловчи бошқа воситалар, шу жумладан циклооксигеназа-2 (COX-2)специфик ингибиторлари билан ва ацетилсалицил кислотасини кунига 75 мг кўпроқ дозаси билан бир вақтда қўлланганда.
• жиддий ножўя реакцияларни ривожланиш хавфи юқори бўлганлиги туфайли, таркибида парацетамол сақловчи бошқа воситалар билан бир вақтда қўлланганида.
• ҳомилада артериал йўлини, ўпка гипертензиясини ривожланиши билан кечувчи муддатидан олдин ёпилиш хавфи борлиги туфайли, ҳомиладорликни охирги уч ойлиги давомида қўллаш мумкин эмас.

Дориларнинг ўзаро таъсири

Таркибида ибупрофен ва парацетамол сақловчи воситалар гипотензив препаратлар, диуретиклар, циклоспоринлар, кортикостероидлар, антикоагулянтлар, хлорамфеникол ва варфарин билан эҳтиёткорлик билан қўллаш керак.

Махсус кўрсатмалар

Жигар ва буйрак фаолиятини бузилишлари бўлган пациентларда қўллаганида эҳтиёткорликка риоя қилиш керак. Ўрамидаги яроқлилик муддатини текширинг ва препаратнинг яроқлилик муддати ўтгач қўлламанг.

Дозани ошириб юборилиши

Парацетамол

Катталарда жигарни шикастланиши парацетамолни 10 г ва ундан кўпроқ қабул қилинганида кузатилиши мумкин. Агар пациент карбамазепин, фенобарбитал, фенитоин, примидон, рифампицин ёки жигар ферментларини индукция қиладиган бошқа препаратлар билан узоқ даволанганда ёки этанолни ҳаддан ташқари кўпроқ дозаларда қўлланганда, парацетамол 5 г ва ундан катта дозаларда қабул қилинганида жигарни шикастланишига олиб келиши мумкин.

Доза ошириб юборилгандан кейин 1 соат давомида фаоллаштирилган кўмир билан даволаш ўтказиш керак.

Ибупрофен.

Дозаси ошириб юборилиши: кўнгил айниши, қусиш, эпигастрал сохада оғриқ, кам ҳолларда ич кетиши, бош оғриғи ва меъда-ичакдан қон кетишлар каби симптомларни чақириши мумкин.

Даволаш симптоматик ва тутиб турувчи бўлиши керак ва нафас йўлларининг ўтказувчанлигини тутиб туриши ва юрак мониторинги ва хаёт учун муҳим фаолиятларни стабил даражада тутиб туришни ўз ичига олади.

Чиқарилиш шакли

Ичга қабул қилиш учун суспензия 60 мл дан ўлчов стакани билан мажмуада (флаконда).

Сақлаш шароити

Қуруқ, ёруғликдан ҳимояланган жойда, 25ºC дан юқори бўлмаган ҳароратда сақлансин.

Яроқлилик муддати

3 йил.

Дорихоналардан бриш тартиби

Рецепт бўйича.

18. Произведено в Индии:

Avison Pharmaceutical Pvt. Ltd., India

Coral Laboratories Limited

Plot № . 27-28, Pharmacity, Selaqui,

Dehradun, Uttarakhand – 248197, India