ATX kodi: J01DD13
ТИББИЁТДА ҚЎЛЛАНИЛИШИГА ДОИР ЙЎРИҚНОМА
САГАЦЕФПО 100 ДТ, 200 ДТ
Препаратнинг савдо номи: Сагацефпо 100 ДТ, 200 ДТ
Таъсир этувчи модда (ХПН): цефподоксим проксетил
Дори шакли: дисперсияланувчи таблеткалар
Таркиби:
Хар бир таблетка қуйидагиларни сақлайди:
фаол модда: цефподоксим (проксетил кўринишида) – 100 мг ёки 200 мг;
ёрдамчи моддалар: бета циклодекстрин, лактоза, маннитол, эрувчи крахмал, натрий хлориди, натрий лаурил сульфати, магний стеарати, тозаланган тальк, сувсиз кремний коллоиди, калий полакрилин (Kyron T 314), қуруқ ананас ароматизатори, аспартам, натрий бензоати.
Фармакотерапевтик гурухи: III авлод цефалоспорини
АТХ коди: J01DD13
Фармакологик хусусиятлари
III авлод цефалоспоринлар гуруҳи антибиотиги, бактерицид таъсир қилади, бактерияларнинг хужайра девори синтезини бузади. Бета-лактамазаларга чидамли. Граммусбат бактерияларга нисбатан фаол: Streptococcus pyogenes. Streptococcus pneumonia (пенициллинга чидамли штаммлардан ташқари); грамманфий бактериялар: Haemophilus influenzae, Haemophilus parainfluenzae (бета-лактам мусбат ва манфий штаммлари), Moraxella (Branhaemella) catarrhalis, Escherichia coli, Klebsiella spp. (Klebsiella pneumonia ва Klebsiella oxytoca ни хам қўшиб), Neisseria gonorrhoeae, индолмусбат Proteus, протейнинг бошқа турлари, Proteus vulgaris ни хам қўшиб; Providencia, Enterobacter (Enterobacter cloacae ва Enterobacter aerogenes ни хам қўшиб), Salmonella spp., Shigella spp.; in vitro кўпчилик штаммларга нисбатан фаол: Brucella, Neisseria, Aeromonas hydrophila, Yersinia enterocolitica, Providencia rettgeri, Providencia sruartii ва Citrobacter, Morganella Serratia штаммлари.
Streptococcus spp. (D гурухи), Staphylococcus spp. нинг метициллин-резистент штаммлари, Corynodacterium spp. (J ва K гурухлари), Paeudomonas spp. (шу жумладан Paeudomonas aeruginosa), Listeria monocytogenes, Acinetobacter baumannii, Clostridium difficile, Bacteroides spp. га нисбатан нофаол. Анаэробларга нисбатан, Bacteroides, Corynodacter, шу жумладан Yersinia нинг кўпчилик турлари кучсиз фаолликка эга. Citrobacter, Enterobacter, Bacteroides ларнинг хромосомал келиб чиқишга эга бўлган цефалоспориназалари томонидан парчаланади.
Фармакокинетикаси
Цефподоксим проксетил олддориларга (prodrags) киради, у организмда (ингичка ичакда) фаол метаболит цефподоксимга айланиб деэстерификацияланади.
100 дан 400 мг гача препарат бир марта ёки кўп марта қабул қилинганидан кейин 1,9-3,1 соат ўтгач 1,0-4,5 мг/л терапевтик концентрацияга эришилади. Мутлақ биокираолиши – 50%.
Қон оқсиллари билан боғланиши (20-30%).
Дозанинг тахминат 30-35% ўзгармаган холда 12 соат давомида сийдик билан чиқарилади. Т1/2 2,1 дан 2,8 соатгача ўзгариб туради.
Буйрак функциясининг бузилганда чиқарилиши пасаяди: КК 50-80 мл/минут бўлганда, Т1/2 3,5 соатни, 30-49 мл/минутда – 5,9 соатни, 5-29 мл/минутда – 9,8 соатни ташкил қилади.
Кекса ёшли шахсларда, шу жумладан бронх-ўпка инфекцияси бўлганларда Т1/2 ни ва қондаги концентрациясини бироз узайиши кузатилган, лекин дозага тузатиш киритиш талаб этилмайди.
Қўлланилиши
Цефподоксимга сезувчан микроорганизмлар чақирган инфекцион-яллиғланиш касалликлари:
Қўллаш усули ва дозалари
Ичга, овқатланиш вақтида
Катталар ва 12 ёшдан ошган болалар:
| Юқори ва қуйи нафас йўлларининг инфекциялари | 100 мг дан ҳар 12 соатда | 5-10 кун давомида |
| Ўткир касалхонадан ташқари пневмония | 200 мг дан ҳар 12 соатда | 14 кун давомида |
| Ўткир максилляр синусит; сурункали бронхитнинг зўрайиши | 200 мг дан ҳар 12 соатда | 10 кун давомида |
| Асоратланмаган гонорея, аёллардаги аноректал сохадаги Neisseria gonorrhoeae чақирган асоратланмаган инфекцияларда | 200 мг | Бир марта қабул қилинади |
| Тери ва юмшоқ тўқималарнинг инфекциялари | 400 мг дан ҳар 12 соатда | 7-14 кун давомида |
| Сийдик чиқариш йўлларининг асоратланмаган инфекциялари (цистит) | 100 мг дан ҳар 12 соатда | 7 кун давомида |
Буйраклар функциясининг яққол бузилишлари (КК 30 мл/минутдан паст) бўлган пациентларда бир марталик доза икки марта камайтирилади.
Ножўя таъсирлари
Аллергик реакциялар: тери тошмаси, қичишиш, эозинофилия, эшакеми, ангионевротик шиш, иситма, анафилактик шок.
Нерв тизими томонидан: бош айланиши, бош оғриғи, таъсирчанлик, юқори чарчоқлик, уйқусизлик, “дахшатли” туш кўришлар.
Сийдик-жинсий тизими томонидан: хайз кўриш циклининг бузилиши.
Овқат хазм қилиш тизими томонидан: кўнгил айниши, персистирланувчи диарея, ич келишини кечикиши, гастрит, қусиш, қорин оғриғи, дисбактериоз (Clostridium difficile ни ўсиши), сохтамемброноз колит, сўлак оқиши, метеоризм, иштахани пасайиши.
Нафас тизими томонидан: йўтал.
Юрак-қон томир тизими томонидан: артериал босимни пасайиши.
Қон яратиш аъзолари томонидан: тромбоцитоз, тромбоцитопения, лейкоцитоз, лейкопения, лимфоцитоз, гранулоцитоз, базофилия, моноцитоз, нейтропения, лимфоцитопения, бурундан қон кетиши.
Лаборатория кўрсатгичлари: “жигар” трансаминазалари ва ишқорий фосфатаза фаоллигини ошиши, гипербилирубинемия, ЛДГ, ГГТ, мочевина, креатининни ошиши, гипер- ёки гипогликемия, гипопротеинемия ва гипоальбуминемия, Hb ни пасайиши, Кумбснинг мусбат реакцияси, протромбин вақтини ошиши. Кўкракда оғриқ, кўп терлаш, кучсизлик.
Қўллаш мумкин бўлмаган холатлар
Эхтиёткорлик билан: пенициллинларга юқори сезувчанлик, хомиладорлик, лактация даври, сурункали колит, буйрак етишмовчилиги, “халқали” диуретиклар ва бошқа нефротоксик дори воситалари билан бирга қўллаш.
Буйраклар функциясининг бузилишларида қўлланилиши
Буйрак етишмовчилигида эхтиёткорлик билан буюрилади.
Буйраклар функциясининг яққол бузилишлари (КК 30 мл/минутдан паст) бўлган пациентларда бир марталик доза икки марта камайтирилади.
Махсус кўрсатмалар
Цефподоксим проксетил қўлланганда, бошқа цефалоспоринлардаги каби, хатто синчиклаб анамнез тўпланганида хам, анафилактик шок бўлиши мумкинлигини истисно қилиш мумкин эмас. Пенициллинга юқори сезувчанлиги бўлган пациентларда, қарама-қарши аллергик реакциялар бўлиши мумкинлигини ёдда тутиш керак.
Оғир турғун диарея бўлганида, антибиотиклар билан ўтказилаётган даволаш билан боғлиқ бўлган сохтамемброноз колит ривожланиши эхтимолини кўриш керак. Чунки бу холат беморнинг хаёти учун хавф солиши мумкин, цефподоксим проксетил билан даволашни дархол тўхтатиш ва мувофиқ даволашни буюриш керак. Перистальтикага таъсир кўрсатувчи препаратларни қўллаш мумкин эмас.
Буйрак функцияси бузилишлари (КК 30 мл/минутдан паст) бўлган пациентларда бир марталик доза икки марта камайтирилади.
Цефподоксим проксетил олган пациентларда, протромбин вақтининг ўзгаришини кам холлари таърифланган. К витаминининг етишмовчилиги (синтезини бузилиши, овқатланишни бузилиши) бўлган пациентларда даволаниш вақтида протромбин вақтини назорат қилиш ва протромбин вақти ошганда даволашни бошлашгача ёки даволаш вақтида К витаминини буюриш (10 мг/хафтада) талаб қилиниши мумкин.
Цефподоксим проксетил одатда тавсия этилган стандарт дозалардан юқори дозаларда қўллангандан кейин, ўт қопини УЗИ да соялар аниқланади, улар янглишиб тошларга қабул қилинади. Улар цефподоксим проксетилнинг кальцийли тузларининг преципитатларидан иборат бўлиб, улар даволаш якунланганидан ёки цефподоксим проксетил билан даволаш тўхтатилганидан кейин йўқолиб кетади. Бундай ўзгаришлар камдан-кам қандай-бўлмасин симптоматика беради, лекин бундай холларда хам фақат консерватив даволаш тавсия этилади. Агар бу кўринишлар клиник симптоматика билан бирга кечса, унда препаратни бекор қилиш хақидаги қарорни даволовчи шифокор қабул қилади.
Цефподоксим проксетил олган пациентларда, эхтимол ўт-сафро йўлларининг обструкцияси оқибатида ривожланаётган панкреатитнинг камдан-кам холлари таърифланган. Бу беморларнинг кўпчилигида дастлаб ўт-сафро йўлларида димланишнинг хавф омиллари бўлган, масалан, олдин ўтказилган даволаш, оғир касалликлар ва тўлиқ парентерал озиқлантириш. Бунда цефпотоксим проксетил таъсири остида ўт-сафро йўлларида хосил бўлган преципитатларнинг ролини истисно қилиш мумкин эмас.
Гипербилирубинемияси бўлган янги туғилган чақалоқларга цефподоксим проксетилни буюришда эҳтиёткорликка риоя қилиш керак. Цефпотоксим проксетилни янги туғилган, айниқса чала туғилган чақалоқларда қўллаш мумкин эмас, уларда билирубинли энцефалопатия ривожланишини хавфи бор.
Узоқ муддатли даволашда қон манзарасини мунтазам назорат қилиш керак.
Цефподоксим проксетил билан даволашда кам холларда беморларда Кумбс синамасининг сохтамусбат натижалари аниқланиши мумкин. Бошқа антибиотиклар каби, цефподоксим проксетил галактоземия синамасига сохтамусбат натижа бериши мумкин. Сохтамусбат натижалар сийдикда глюкозани аниқлашга хам олиниши мумкин, шунинг учун цефподоксим проксетил билан даволаш давомида зарурати бўлганида глюкозурияни фақат фермент усули билан аниқлаш керак.
Хомиладорлик эмизиш даврида қўлланиши
Хомиладорлик вақтида она учун потенциал фойдани хомила учун мумкин бўлган хавф билан қиёслаб, эхтиёткорлик билан буюриш керак.
Препаратни лактация даврида буюришнинг зарурати бўлганида, эмизишни тўхтатиш керак.
Болаларда қўлланилиши
12 ёшгача бўлган болаларда қўллаш мумкин эмас.
Дориларнинг ўзаро таъсири
Диуретиклар, аминогликозидлар, полимиксин В, этакрин кислотаси цефалоспоринларнинг секрециясини блоклайди, қон зардобида уларнинг концентрациясини оширади, Т1/2 узайтиради, нефротоксикликни кучайтиради.
НЯҚП қон кетиши хавфини ошириб, цефалоспоринларнинг буйраклар орқали чиқарилишини секинлаштиради.
Н2-гистамин рецепторларини блокаторлари меъданинг рН ўзгартириши оқибатида биокираолишини камайтиради.
Билвосита антикоагулянтларнинг самарасини оширади (ичак микрофлорасини сусайтиради, протромбин индексини пасайтиради).
Антацидлар (натрий гидрокарбонати, алюминий гидроксиди) юқори дозаларда сўрилишини пасайтиради.
Бактерицид антибиотиклар билан бир вақтда буюрилганда синергизм, бактериостатиклар (макролидлар, хлорамфеникол, тетрациклинлар) билан – антагонизм номоён бўлади, аминогликозидларнинг нефротоксиклигини кучайтиради.
Дозани ошириб юборилиши
Симптомлари: кўнгил айниши, қусиш, эпигастрийда дискомфорт, диарея.
Даволаш: гемодиализ ёки перитонеал диализ, айниқса буйрак функциясининг бузилишлари самарали.
Чиқарилиш шакли
10 таблеткадан блистерларда. 1 блистер тиббиётда қўлланилишига доир йўриқномаси билан бирга картон қутида.
Сақлаш шароитлари ва муддати
Салқин, қуруқ ва ёруғликдан ҳимояланган жойда, 30оС дан юқори бўлмаган хароратда сақлансин.
Болалар ололмайдиган жойда сақлансин.
Яроқлилик муддати
2 йил.
Яроқлилик муддати ўтгандан сўнг қўлланилмасин.
Дорихоналардан бериш тартиби
Рецепт бўйича.
Қайд қилиш гувохномасининг эгаси
Saga Laboratories
Survey No. 198/2 & 198/3, Chachrawadi Vasna,
Tal.: Sanand, Dist.: Ahmedabad 382 210, India.
E-mail: [email protected]
Ўзбекистон Республикаси худудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили
«SHAYANA FARM» МЧЖ
700057, Ўзбекистон Республикаси, Тошкент ш., Уста Ширин кўч., 117-уй.
Тел.: 99(871) 2281692(93/94)
Факс: 99 (871) 2281695
