ATX kodi: J01DD13
ТИББИЁТДА ҚЎЛЛАНИЛИШИГА ДОИР ЙЎРИҚНОМА
САГАЦЕФПО
Препаратнинг савдо номи: Сагацефпо
Таъсир этувчи модда (ХПН): цефподоксим проксетил
Дори шакли: ичга қабул қилиш учун суспензия тайёрлаш учун кукун
Таркиби:
Хар 5 мл суспензия қуйидагиларни сақлайди:
фаол модда: цефподоксим (проксетил кўринишида) – 50 мг;
ёрдамчи моддалар: МССР гранулалар, натрий кроскармеллоза, қуруқ ширин апельсин ароматизатори, сувсиз кремний коллоиди, тозаланган тальк, аспартам, бўёвчи Sunset Yellow FCF, лимон кислотаси (моногидрати), қуруқ ананас ароматизатори.
Таърифи: оқ ёки сарғиш-оқ рангли, ўзига хос таъмли гранулали кукун. Тайёрлангандан кейин тўқ сариқ рангли ўзига хос таъмли суспензия.
Фармакотерапевтик гурухи: антибиотик (цефалоспоринлар гуруҳи)
АТХ коди: J01DD13
Фармакологик таъсири
Фармакодинамикаси
III авлод цефалоспоринлар гурухи антибиотики, бактерицид таъсир қилади, бактерияларнинг хужайра девори синтезини бузади. Бета-лактамазаларга чидамли. Граммусбат бактерияларга нисбатан фаол: Streptococcus pyogenes. Streptococcus pneumonia (пенициллинга чидамли штаммлардан ташқари); грамманфий бактериялар: Haemophilus influenzae, Haemophilus parainfluenzae (бета-лактам мусбат ва манфий штаммлари), Moraxella (Branhaemella) catarrhalis, Escherichia coli, Klebsiella spp. (Klebsiella pneumonia ва Klebsiella oxytoca ни хам қўшиб), Neisseria gonorrhoeae, индолмусбат Proteus, протейнинг бошқа турлари, шу жумладан Proteus vulgaris; Providencia, Enterobacter (шу жумладан Enterobacter cloacae ва Enterobacter aerogenes), Salmonella spp., Shigella spp.; in vitro шароитларида кўпчилик штаммларга нисбатан фаол: Brucella, Neisseria, Aeromonas hydrophila, Yersinia enterocolitica, Providencia rettgeri, Providencia sruartii ва Citrobacter, Morganella Serratia штаммлари.
Streptococcus spp. (D гурухи), Staphylococcus spp. Нинг метициллин-резистент штаммлари, Corynodacterium spp. (J ва K гурухлари), Paeudomonas spp. (шу жумладан Paeudomonas aeruginosa), Listeria monocytogenes, Acinetobacter baumannii, Clostridium difficile, Bacteroides spp. га нисбатан нофаол. Анаэробларга нисбатан, Bacteroides, Corynodacter, Yersinia нинг кўпчилик турларини хам қўшиб кучсиз фаолликка эга. Citrobacter, Enterobacter, Bacteroides ларнинг хромосомал келиб чиқишга эга бўлган цефалоспориназалари томонидан парчаланади.
Фармакокинетикаси
Цевподоксим проксетил олддориларга (prodrags) киради, у организмда (ингичка ичакда) фаол метаболит цефподоксимга айланиб деэстерификацияланади.
100 дан 400 мг гача препарат бир марта ёки кўп марта қабул қилинганидан кейин 1,9-3,1 соат ўтгач 1,0-4,5 мг/л терапевтик концентрацияга эришилади. Мутлақ биокираолишлиги – 50%.
Қон оқсиллари билан боғланади (20-30%).
Дозанинг тахминат 30-35% ўзгармаган холда 12 соат давомида сийдик билан чиқарилади. Т1/2 2,1 дан 2,8 соатгача тебранади.
Буйракларнинг функцияси бузилганда чиқарилиши пасаяди: КК 50-80 мл/минут бўлганда, Т1/2 3,5 соатни, 30-49 мл/минутда – 5,9 соатни, 5-29 мл/минутда – 9,8 соатни ташкил қилади.
Кекса ёшли шахсларда, шу жумладан бронх-ўпка инфекцияси бўлганларда Т1/2 ни ва қондаги концентрациясини катта бўлмаган ошиши аниқланади, лекин дозага тузатиш киритиш талаб этилмайди.
Қўлланилиши
Цефподоксимга сезувчан микроорганизмлар чақирган инфекцион-яллиғланиш касалликлари:
Қўллаш усули ва дозалари
Ичга, овқатланиш вақтида.
Дозалаш боланинг ёшига боғлиқ. Ўртача доза 12-соатлик интерваллар билан икки дозаларда кунига 8 мг/кг ни ташкил қилади. Уни овқатланиш вақтида қабул қилиш керак, чунки меъданинг рН ни ошиши биокираолишлигини пасайишига олиб келади. Дозалаш бўйича қўлланма сифатида қуйидаги жадвал ишлатилиши мумкин:
| Вазн (кг) | Доза |
| 10 – 15 кг | 5 мл хар 12 соатда |
| ≥15 кг | 10 мл хар 12 соатда |
Буйраклар функцияси яққол бузилишлари (КК 30 мл/минутдан паст) бўлган пациентларда бир марталик доза икки марта камайтирилади.
Ножўя таъсирлари
Аллергик реакциялар: тери тошмаси, қичишиш, эозинофилия, эшакеми, ангионевротик шиш, иситма, анафилактик шок.
Нерв тизими томонидан: бош айланиши, бош оғриғи, таъсирчанлик, юқори чарчоқлик, уйқусизлик, “дахшатли” туш кўришлар.
Сийдик-жинсий тизими томонидан: хайз кўриш циклининг бузилиши.
Овқат хазм қилиш тизими томонидан: кўнгил айниши, персистирланувчи диарея, ич келишини кечикиши, гастрит, қусиш, қорин оғриғи, дисбактериоз (Clostridium difficile ни ўсиши), сохтамемброноз колит, сўлак оқиши, метеоризм, иштахани пасайиши.
Нафас тизими томонидан: йўтал.
Юрак-томир тизими томонидан: артериал босимни пасайиши.
Қон яратиш аъзолари томонидан: тромбоцитоз, тромбоцитопения, лейкоцитоз, лейкопения, лимфоцитоз, гранулоцитоз, базофилия, моноцитоз, нейтропения, лимфоцитопения, бурундан қон кетиши.
Лаборатория кўрсатгичлари: “жигар” трансаминазалари ва ишқорий фосфатаза фаоллигини ошиши, гипербилирубинемия, ЛДГ, ГГТ, мочевина, креатининни ошиши, гипер- ёки гипогликемия, гипопротеинемия ва гипоальбуминемия, Hb ни пасайиши, Кумбснинг мусбат реакцияси, протромбин вақтини ошиши. Кўкракда оғриқ, кўп терлаш, холсизлик.
Қўллаш мумкин бўлмаган холатлар
Эхтиёткорлик билан: хомиладорлик, лактация даври, сурункали колит, буйрак етишмовчилиги, “халқали” диуретиклар ва бошқа нефротоксик дори воситалари билан бирга қўллаш.
Буйраклар функцияси бузилишларида қўлланилиши
Буйрак етишмовчилигида эхтиёткорлик билан буюрилади.
Буйраклар функциясининг яққол бузилишлари (КК 30 мл/минутдан паст) бўлган пациентларда бир марталик доза икки марта камайтирилади.
Дориларнинг ўзаро таъсири
Диуретиклар, аминогликозидлар, полимиксин В, этакрин кислотаси цефалоспоринларнинг секрециясини блоклайди, қон зардобида уларнинг концентрациясини оширади, Т1/2 узайтиради, нефротоксикликни кучайтиради.
НЯҚП қон кетиши хавфини ошириб, цефалоспоринларнинг буйраклар орқали чиқарилишини секинлаштиради.
Н2-гистамин рецепторларини блокаторлари меъданинг рН ўзгартириши оқибатида биокираолишлигини камайтиради.
Билвосита антикоагулянтларнинг самарасини оширади (ичак микрофлорасини бостириб, протромбин индексини пасайтиради).
Антацидлар (натрий гидрокарбонати, алюминий гидроксиди) юқори дозаларда сўрилишини пасайтиради.
Бактерицид антибиотиклар билан бир вақтда буюрилганда синергизм, бактериостатиклар (макролидлар, хлорамфеникол, тетрациклинлар) билан – антагонизм номоён бўлади, аминогликозидларнинг нефротоксиклигини кучайтиради.
Махсус кўрсатмалар
Цевподоксим проксетил қўлланганда, бошқа цефалоспоринлардаги каби, хатто синчиклаб анамнез тўпланганида хам, анафилактик шок бўлиши мумкинлигини истисно қилиш мумкин эмас. Пенициллинга юқори сезувчанлиги бўлган пациентларда, қарама-қарши аллергик реакциялар бўлиши мумкинлигини ёдда тутиш керак.
Оғир турғун диарея бўлганида, антибиотиклар билан ўтказилаётган даволаш билан боғлиқ бўлган сохтамемброноз колит ривожланиши эхтимолини кўриш керак. Чунки бу холат беморнинг хаёти учун хавф солиши мумкин, цефподоксим проксетил билан даволашни дархол тўхтатиш ва мувофиқ даволашни буюриш керак. Перистальтикага таъсир кўрсатувчи препаратларни қўллаш мумкин эмас.
Буйраклар функцияси бузилишлари (КК 30 мл/минутдан паст) бўлган пациентларда бир марталик доза икки марта камайтирилади.
Цефподоксим проксетил олган пациентларда, протромбин вақтининг ўзгаришини кам холлари таърифланган. К витаминининг етишмовчилиги (синтезини бузилиши, овқатланишни бузилиши) бўлган пациентларда даволаниш вақтида протромбин вақтини назорат қилиш ва протромбин вақти ошганда даволашни бошлашгача ёки даволаш вақтида К витаминини буюриш (10 мг/хафтада) талаб қилиниши мумкин.
Цефподоксим проксетил одатда тавсия этилган стандарт дозалардан юқори дозаларда қўллангандан кейин, ўт-сафро п УЗИ да соялар аниқланади, улар янглишиб тошларга қабул қилинади. Улар цефподоксим проксетилнинг кальцийли тузларининг преципитатларидан иборат бўлиб, улар даволаш якунланганидан ёки цефподоксим проксетил билан даволаш тўхтатилганидан кейин йўқолиб кетади. Бундай ўзгаришлар камдан-кам қандай-бўлмасин симптоматика беради, лекин бундай холларда хам фақат консерватив даволаш тавсия этилади. Агар бу кўринишлар клиник симптоматика билан бирга кечса, унда препаратни бекор қилиш хақидаги қарорни даволовчи шифокор қабул қилади.
Цефподоксим прокседил олган пациентларда, мумкин, ўт-сафро йўлларининг обструкцияси оқибатида ривожланаётган панкреатитнинг камдан-кам холлари таърифланган. Бу беморларнинг кўпчилигида бунгача ўт-сафро йўлларида димланишнинг хавф омиллари бўлган, масалан, олдин ўтказилган даволаш, оғир касалликлар ва тўлиқ парентерал озиқлантириш. Бунда цефпотоксим проксетил таъсири остида ўт-сафро йўлларида хосил бўлган преципитатларнинг ролини истисно қилиш мумкин эмас.
Гипербилирубинемияси бўлган янги туғилган чақалоқларга цефподоксим проксетил буюрилганда эхтиёткорликка риоя қилиш керак. Цефпотоксим проксетилни янги туғилган, айниқса чала туғилган чақалоқларда қўллаш мумкин эмас, уларда билирубинли энцефалопатия ривожланишини хавфи бор.
Узоқ муддатли даволашда қон манзарасини мунтазам назорат қилиш керак.
Цефподоксим проксетил билан даволашда кам холларда беморларда Кумбс синамасининг сохтамусбат натижалари аниқланиши мумкин. Бошқа антибиотиклар каби, цефподоксим проксетил галактоземия синамасига сохтамусбат натижа бериши мумкин. Сохтамусбат натижалар сийдикда глюкозани аниқлашга хам олиниши мумкин, шунинг учун цефподоксим проксетил билан даволаш давомида зарурати бўлганида глюкозурияни фақат фермент усули билан аниқлаш керак.
Хомиладорлик ва эмизиш даврида қўлланиши
Хомиладорлик вақтида она учун потенциал фойдани хомила учун мумкин бўлган хавф билан қиёслаб, эхтиёткорлик билан буюриш керак.
Препаратни лактация даврида буюришнинг зарурати бўлганида, эмизишни тўхтатиш керак.
Автомобилни ва мураккаб механизмларни бошқариш қобилиятига таъсири
Автомобилни хайдаганда бош айланиш хавфини эътиборга олиш керак.
Дозани ошириб юборилиши
Симптомлари: кўнгил айниши, қусиш, эпигастрийда дискомфорт, диарея.
Даволаш: айниқса буйраклар функцияси бузилишида гемодиализ ва перитонеал диализда қўлланади.
Чиқарилиш шакли
60 мл HDPE флаконда. 1 флакон тиббиётда қўлланилишига доир йўриқномаси билан картон қутида.
Сақлаш шароити
Ёруғликдан ҳимояланган жойда, 30оС дан юқори бўлмаган хароратда сақлансин.
Зич ёпиқ кўринишда сақлансин.
Болалар ололмайдиган жойда сақлансин.
Яроқлилик муддати
2 йил.
Яроқлилик муддати ўтгач қўлланилмасин.
Дорихоналардан бериш тартиби
Рецепт бўйича.
Рўйхатдан ўтказганлик гувоҳномасининг эгаси
Saga Laboratories
Survey No. 198/2 & 198/3, Chachrawadi Vasna,
Tal.: Sanand, Dist.: Ahmedabad 382 210, India.
E-mail: [email protected]
Ўзбекистон Республикаси худудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили
“SHAYANA FARM” МЧЖ
700057, Ўзбекистон Республикаси, Тошкент ш., Уста Ширин кўч., 117-уй.
Тел.: +99(871) 2281692.
Факс: +99 (871) 2281695.
