Suvitol

Препаратни қўллаш бўйича йўриқнома

СУВИТОЛ

 

Савдо номи: Сувитол

 

Халқаро патентланмаган номи: натрий лактати ва сорбитол.

 

Дори шакли: инфузия учун эритма.

 

Таркиби:

Хар 100 мл эритма сақлайди:

Сорбитол                                                                              6,00 г

Натрий лактати                                                                    1,90 г

Натрий хлориди                                                                   0,60 г

Кальций хлориди (Кальций хлориди гексагидрати

қуруқ моддага хисоблаганда)                                             0,01 г

Калий хлориди                                                                     0,03 г

Магний хлориди (Магний хлориди гексагидрати

қуруқ моддага хисоблаганда)                                             0,02 г

Инъекция учун сув                                                              100  /200 ва

400 мл гача

Таърифи: Тиниқ рангсиз ёки бироз сарғиш суюқлик.

 

Клинико-фармакологик гурухи: Плазма ўрнини босувчи препарат.

 

Фармако-терапевтик гурухи: Плазма ўрнини босувчи восита.

АТХ коди: В05ХА31.

 

Фарсмакологик таъсири

Плазма ўрнини босувчи препарат. Реологик, шока қарши, дезинтоксикацион, ишқорловчи таъсир кўрсатади.  Асосий фармакологик фаол моддалар сорбитол ва натрий лактати хисобланади. Жигарда сорбитол олдин фруктозага айланади, у сўнгра глюкозага, сўнгра эса гликогенга айланади. Сорбитолнинг бир қисми шошилинч энерогетик эхтиёжлар учун ишлатилади, бошқа қисми эса гликоген кўринишида захира сифатида қолдирилади. Сорбитолнинг изотоник эритмаси дезагрегант таъсирга эга ва, шундай қилиб, микроциркуляцияни ва тўқималарнинг перфузиясини яхшилацди.

Бикарбонат эритмасидан фарқли равишда, натрий лактати ёрдамида метаболик ацидознинг тузатилиши секин, рН ни кескин тебранишларини чақирмасдан, уни моддалар алмашинувига киришиши сари юз беради. Натрий лактатнинг таъсири юборилгандан кейин 20-30 минут ўтгач номоён бўлади.

Натрий хлориди – плазма ўрнини босувчи восита, дезинтоксикацион ва регидратацион таъсир кўрсатади. Турли патологик холатларда натрий ва хлор ионларининг танқислигини бпртраф қилади.

Кальций хлориди кальций ионларининг танқислигини бартараф қилади. Кальций ионлари нерв импульсларининг ўтказилиш жараёнларини, скелет ва силлиқ мушакларнинг қисқаришини, миокард фаолиятини, суяк тўқимасининг шакилланишини, қоннинг ивишини амалга ошириш учун зарур. Хужайралар ва томирлар деворининг ўтказувчанлигини пасайтиради, яллиғланиш реакциялар ривожланишини олдини олади, организмнинг инфекцияларга чидамлилигини оширади ва фагоцитозни ахамиятли кучайтириши мумкин.

Калий хлориди сув-элоктролит балансини тиклайди. Манфий хроно- ва батмотроп таъсир, юқори дозаларда – манфий ино-, дромотроп ва ўртача диуретик таъсир кўрсатади. Нерв импульсларининг ўтказилишида иштирок қилади. Ацетилхолиннинг  миқдорини оширади ва вегетатив нерв тизимининг симпатик бўлимининг  қўзғалишини чақиради. Мушак дистрофияси, миастенияда скелет мушакларининг қисқариш жараёнларини яхшилайди.

 

Фармакокинетикаси

Сорбитол тез умумий метаболизмга киришиб кетади, унинг 80-90% жигарда утилизация қилинади ва гликоген кўринишида тўпланади. 5% мия тўқималарида, юрак мушагида ва скелет мушакларида тўпланади. 6-12% сийдик билдан чиқарилади.

Натрий лактати томир хавзасига юборилганда натрий бикарбонати хосил қилиб, карбон икки оксиди ва сув билан ўзаро таъсирга киришида, бу қоннинг ишқорий захирасини ошишига олиб келади. Юборилган натрий лактатининг фақат ярми фаол хисобланади (L изомер), бошқа ярми эса (D изомер) метаболизмга учрамайди ва сийдик билан чиқарилади.

Натрий хлориди айланаётган қон хажмини (АҚХ) фақат вақтинчалик ошириб, томир хавзасидан тез чиқарилади. Диурезни оширади.

 

Қўлланиши

• ўткир қон йўқотиш, куйиш касаллигида, травматик, операциядан кейинги, гемолитик, токсик ва куйиш шокини  олдини олиш ва даволаш мақсадиди капилляр қон оқимини яхшилаш учун;
• интоксикация, сурункали гепатитни зўрайиши билан бирга кечувчи инфекцион касалликлар;
• сепсис;
• операция олдидан тайёрлаш учун ва операциядан кейинги даврда;
• тромбозлар, тромбофлебитлар, эндартериитларни олдини олиш ва даволаш мақсадида артериал ва веноз қон айланишини яхшилаш учун;
• Рейно касаллиги.

 

 

Дозалаш тартиби

Вена ичига оқим билан ёки томчилаб юборилади.

Катталарга вена ичига минутига 40-60 томчи тезликда юборилади. Зарурати бўлганда минутига 30 томчи тезликда томчилаб юбориш йўли билан синама ўтказилгандан кейин, препаратни оқим билан юборишга йўл қўйилади.

15 томчи юборилганидан кейин препаратнинг инфузияси тўхтатилади, 3 минут ўтгач эса, реакция бўлмаганда, Сувитол оқим билан юборилади.

Сурункали гепатитларда – 400 мл дан (тана вазнига 6-7 мл/кг) томчилаб, такрорий юборилади.

Қон томирларнинг тромбооблетирирловчи касалликларида – тана вазнига 8-10 мл/кг хисобидан, томчилаб, такрорий, кун ора юборилади, даволаш курси 10 инфузиягача.

Операциядан кейинги даврда ва турли хирургик аралашувлардан кейин – 400 мл дозада (тана вазнига 6-7 мл/кг) томчилаб, бир марта ёки такрорий, хар куни, 3-5 кун давомида юборилади.

Ўткир қон йўқотилишида – 1500-1800ғ мл дан (тана вазнига 25 мл/кг гача) юборилади. Бундай холда Сувитолнинг инфузиясини махсус тез ёрдам машинасида, касалхонага ётқизишгача бўлган босқичда ўтказиш тавсия этилади.

Травматик, куйиш, операциядан кейинги ва гемолитик шокда – 600-1000 мл дан (тана вазнига 10-15 мл/кг) бир марта ва такрорий, олдин оқим билан, сўнгра томчилаб юборилади.

6 ёшгача бўлган болаларга препаратни тана вазнига 10 мл/кг доза хисобидан юбориш тавсия этилади, 6 дан 12 ёшгача болаларга – катталар учун дозанинг ярмини ташкил қилувчи дозада юборилади. 12 ёшдан ошган болаларга – катталардаги каби дозада юборилади.

 

Ножўя таъсирлари

Алкаллоз кўринишлари, аллергик реакциялар (терида тошмалар, қичишиш) пайдо бўлиши мумкин.

 

Қўллаш мумкин бўлмаган холатдар

• алкадоз;
• катта хажмдаги суюқликларни қуйиш мумкин бўлмаган холатлар (мияга қон қуйилиши, тромбоэмболия, юрак-томир декопенсацияси, III даражали артериал гипертензия;
• препаратнинг компонентларига юқори сезувчанлик.

Жигар фаолиятининг бузилиши, яра касаллиги, геморрагик колити бўлган беморларга препаратни эхтиёткорлик билан буюриш керак.

 

Хомиладорлик ва эмизишда қўлланиши

Сувитол препаратини хомиладорлик ва эмизиш даврида қўллаш бўйича маълумотлар мавжуд эмас.

 

 

Жигар фаолиятини бузилишларида қўллаш

Жигар фаолиятининг бузилиши бўлган беморларга препаратни эхтиёткорлик билан қўллаш керак.

Болаларда қўлланиши

6 ёшгача бўлган болаларга препаратни тана вазнига 10 мл/кг доза хисобидан юбориш тавсия этилади; 6 дан 12 ёшгача болаларга – катталар учун дозанинг ярмини ташкил қилувчи дозада юборилади. 12 ёшдан ошган болаларга – катталардаги каби дозада юборилади.

 

Махсус кўрсатмалар

Препарат кислота-ишқор холатнинг ва қоннинг электролитлари, шунингдек жигарнинг функционал холатининг кўрсатгичларини назорати остида қўлланади.

Калькулез холецистити бўлган беморларда эхтиёткорлик билан қўлланади.

 

Дориларнинг ўзаро таъсири

Сувитолни фосфат- ва карбонатларни сақловчи эритмалар билан аралаштириш мумкин эмас.

Бошқа дори препаратлари учун ташувчи-эритма сифатида қўллаш мумкин эмас.

 

Дозани ошириб юборилиши

Симптомлари: алкалоз кўринишлари пайдо бўлади, улар препаратни юбориш дархол тўхтатилган шароитда тез мустақил ўтиб кетади.

 

Чиқарилиш шакли

100/200/400 мл дан препарат РЕТ флаконда.

 

Яроқлилик муддати

3 йил.

 

Сақлаш шароити

Салқин ва қуруқ жойда, 25^оС дан юқори бўлмаган хароратда сақлансин.

Ёруғлик ва намликдан химоя қилиб сақлансин.

Болалар олаолмайдиган жойда сақлансин.

 

Дорихоналардан бериш тартиби

Рецепт бўйича берилади.

 

Ишлаб чиқарувчи:

Cisen Pharmaceutical Co., Ltd.

Tongji Sei-tech Industrial Park, High-tech Industrial

Development Zone, Jining, Shandong, China. 272000