ATX kodi: N06BX06
ТИББИЁТДА ҚЎЛЛАНИЛИШИГА ДОИР ЙЎРИҚНОМА
СИЭНЭФ
Препаратнинг савдо номи: Сиэнэф
Таъсир этувчи модда (ХПН): цитиколин
Дори шакли: инъекция учун эритма
Таркиби:
Ҳар бир 1 мл эритма қуйидагиларни сақлайди:
фаол модда: цитиколин натрий цитиколинга қайта ҳисоблаганда – 250 мг;
ёрдамчи моддалар: метилпарабен, пропилпарабен натрий хлориди, бензил спирти, инъекция учун сув.
Таърифи: ҳидсиз ва ёт қўшимчаларсиз тиниқ, рангсиз суюқлик
Фармакотерапевтик гурухи: ноотроп восита
АТХ коди: N06BX06
Фармакологик таъсири
Цитиколин хужайра мембранасининг асосий ультраструктур компонентларининг (асосан фосфолипидларнинг) ўтмишдоши бўлиб, кенг таъсир доирасига эга – хужайраларнинг шикастланган мембраналарини тикланишига ёрдам беради, фосфолипазалар таъсирини ингибиция қилади, эркин радикалларни ошиқча хосил бўлишига тўсқинлик қилади, шунингдек апоптоз механизмларига таъсир қилиб, хужайраларнинг нобуд бўлишини олдини олади. Инсультнинг ўткир даврида цитиколин бош мия тўқимасининг шикастланиш хажмини камайтиради, холинергик ўтказувчанликни яхшилайди. Бош суяг-мия травмасида посттравматик команинг давомийлиги ва неврологик симптомларнинг яққоллигини камайтиради, бундан ташқари, тикланиш даврининг давомийлигини камайишига ёрдам беради.
Бош миянинг сурункали гипоксиясида цитиколин, хотирани ёмонлашиши, ташаббуссизлик, кундалик харакатлар ва ўз-ўзига хизмат қилишда пайдо бўлувчи қийинчиликдар каби когнитив бузилишларни даволашда самарадор. Диққат-эътибор ва онг даражасини оширади, шунингдек амнезия кўринишларини камайтиради.
Дегенератив ва томирли этиологияли неврологик сезувчанлик ва харакат бузилишларини даволашда самарадордир.
Фармакокинетикаси
Сўрилиши
Вена ичига ва мушак ичига юборилганда цитиколин яхши сўрилади.
Метаболизми
Вена ичига ва мушак ичига юборилганда цитиколин жигарда холин ва цитидин хосил бўлиши билан метаболизмга учрайди. Юборилгандан кейин, қон плазмасида холиннинг концентрацияси ахамиятли ошади.
Тақсимланиши
Цитиколин холин фракцияларини структур фосфолипидлар ва цитидин фракциялари – цитидинли нуклеотидлар ва нуклеин кислоталарига тез кириши билан бош мия структураларида аҳамиятли даражада тақсимланади. Цитиколин бош мияга қиради ва структур фосфолипидлар фракцияларининг бир қисмини ҳосил қилиб, ҳужайра, цитоплазматик ва митохондриал мембраналарга фаол жойлашади.
Чиқарилиши
Цитиколиннинг юборилган дозасини фақат 15% одам организмидан чиқарилади: 3% дан камроғи – буйраклар орқали ва тахминин 12% – нафас билан чиқарилаётган СО2 билан,
Цитеколинни сийдик билан чиқарилишида 2 фазани ажратиш мумкин: тахминан 35 соат давом этувчи биринчи фаза, буни давомида чиқарилиш тезлиги тез пасаяди, ва иккинчи фаза, унинг давомида чиқарилиш тезлига анча секинроқ. Худди шу нафас билан чиқарилаётган СО2 билан ҳам кузатилади – тахминан 15 соат ўтгач чиқарилиш тезлиги тез пасаяди, сўнгра эса анча секинлашади.
Қўлланиши
-ишемик инсульнинг ўткир даври (мажмуавий даволаш тарикибида);
-ишемик ва геморрагик инсультларнинг тикланиш даври;
-бош суяги-мия травмаси, ўткир (мажмуавий даволаш таркибида) ва тикланиш даври;
-бош миянинг дегенератив ва томирли касалликларидаги когнитив ва хулқнинг бузилишлари.
Қўллаш усули ва дозаси
Препарат вена ичига ва мушак ичига буюрилади.
Вена ичига препарат секин вена ичига инъекция (буюрилган дозага қараб, 3-5 минут давомида) ёки вена ичига томчилаб қуйиш (минутига 40-60 томчи) кўринишида буюрилади.
Вена ичига юбориш йўли, мушак ичига юбориш йўлидан авзалроқ. Мушак ичига юборишда препаратни бир жойга такрорий юборишдан сақланиш керак.
Тавсия этиладиган дозалаш тартиби.
Ишемик инсульт ва бош суяги-мия травмасининг (БСМТ) ўткир даври: ташхис қўйилгандан кейин биринчи суткадан бошлаб 1000 мг хар 12 соатда, даволашнинг давомийлиги 6 хафтадан кам эмас. Даволаш бошлангандан кейин 3-5 кун ўтгач (агар ютиш фаолияти бузилмаган бўлса) Сиэнэф препаратининг перорал шаклига ўтиши мумкин.
Ишемик ва геморрагик инсультнинг тикланиш даври, БСМТ тикланиш даври, бош миянинг дегенератив ва томирли касалликларидаги когнитив ва хулқнинг бузилишлари: кунига 500-2000 мг. Дозалаш ва даволашнинг давомийлиги касаллик симптомларининг оғирлигига боғлиқ. Сиэнэф препаратининг перорал шакллиларини қўллаш мумкин.
Кекса пациентлар
Сиэнэф препарати кекса пациентларга буюрилганда дозага тузатиш киритиш талаб қилинмайди. Ампуладаги эритма бир марта қўллаш учун мўлжалланган. Ампула очилгандан кейин дарҳол ишлатилиши керак.
Препарат вена ичига юбориладиган изотоник эритмаларнинг барча турлари ва декстроза эритмалари билан мутаносиб.
Ножўя таъсирлари
Аллергик реакциялар (тошма, терини қичишиши, анафилактик шок), бош оғриғи, бош айланиши, қизиш хисси, тремор, кўнгил айниши, қусиш, диарея, галлюцинациялар, шишлар, хансираш, уйқусизлик, қўзғалувчанлик, иштахани пасайиши, фалажланган қўл ва оёқларни увишиши, жигар ферментларини фаоллигини ошиши. Айрим холларда Сиэнэф парасимпатик тизимини рағбатлантириши, шунингдек артериал босимнинг қисқа муддатли ўзгаришини чақириши мумкин.
Агар йўриқномада кўрсатилган ҳар қандай ножўя самаралари ёмонлашса, ёки йўриқномада кўрсатилмаган ҳар қандай бошқа ножўя самаралар сезилса, бу ҳақида шифокорга хабар бериш керак.
Қўллаш мумкин бўлмаган холатлар
– препаратнинг ҳар қандай компонентига юқори сезувчанлик;
– яққол ваготония (вегетатив нерв тизимининг парасимпатик қисми тонусини устунлиги);
– фруктозани ўзлаштираолмаслик балан боғлиқ бўлган, кам учрайдиган наслий касалликлар;
– 18 ёшгача бўлган болалар (етарли клиник маълумотлар бўлмаганлиги туфайли) да қўллаш мумкин эмас.
Дориларнинг ўзаро таъсири
Цитиколин леводопанинг самараларини кучайтиради.
Сиэнэфни меклофеноксат сақловчи дори воситалари билан бир вақтда буюриш мумкин эмас.
Махсус кўрсатмалар
Ҳомиладорлик ва эмизиш даврида қўлланиши
Цитиколинни ҳомиладор аёлларда қўллаш бўйича етарлича маълумотлар йўқ. Гарчи ҳайвонларадаги тадқиқотларда салбий таъсири аниқланмаган бўлса-да, ҳомиладорлик даврида Сиэнэф дори препарати фақат, она учун кутилаётган фойда, ҳомила учун потенциал хавфдан юқори бўлган ҳолларда буюрилади.
Сиэнэф лактация даврида буюрилганда аёллар эмизишни тўхтатишлари керак, чунки цитиколинни кўкрак сути билан чиқарилиши хақида маълумотлар йўқ.
Автотранспортни хайдаш ва механизмларни бошқариш қобилиятига таъсири
Даволаниш даврида пациентлар алоҳида диққатни ва психомотор реакциялар тезлигини талаб қилувчи потенциал хавфли фаолият турларини (шу жумладан автомобиль ва бошқа механизмларни бошқариш, ҳаракатланувчи механизмлар билан ишлаш, диспетчер ва оператор иши) бажаришда эҳтиёткорликка риоя қилишлари керак.
Дозани ошириб юборилиши
Препаратнинг токсиклигини пастлиги туфайли, дозани ошириб юборилиш ҳоллари таърифланмаган.
Чиқарилиш шакли
2 мл ва 4 мл дан эритма шиша ампулаларда. 5 ампула тиббиётда қўлланилишига доир йўриқномаси билан картон қутида.
Сақлаш шароити
25оС дан юқори бўлмаган ҳароратда, оригинал ўрамида сақлансин. Болалар ололмайдиган жойда сақлансин.
Яроқлилик муддати
3 йил.
Яроқлилик муддати ўтгач қўлланилмасин.
Дорихоналардан бериш тартиби
Рецепт бўйича.
Ишлаб чиқарувчи
Ankur Drugs and Pharma Limited (Unit-II)
Vill. Makhnumajra, P.O. Bhud,
Nalagarth, Distt. Solan (H.P.), India
Tel: +91-22-40682301
Fax: +91-22-40682323 / 40682333
Avison Pharmaceuticals Pvt. Ltd., Ҳиндистон учун ишлаб чиқарилган.
Ўзбекистон Республикаси худудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили
«SHAYANA FARM» МЧЖ
Ўзбекистон Республикаси Тошкент ш. 700057, Уста Ширин кўчаси 117-уй,
Тел.: 99(871) 2281692(93/94)
Факс: 99 (871) 2281695
